Storie dei nostri noni

Co‘l passar dei ani e de boca en boca le storie le passa gerassion, ma zerte storie le sparis perche no gh’è pu cuei che le contea. Tanti sudori dei nostri noni oramai desmentegadi. A me ricordo come se fussa ncoi cuande nea co i genitori a trovar i noni. Nel inverno ne senteven tuti en cosina al caldin del fogolar a legna. La nona la feva el cafè cosi bon, brustolà pian pian ‘ntel brustolin. El so udor e gusto no lo mài desmentegà sianca ades son diventada nona anca mi.

Alora stè atenti taliani perche ricordar na parola, na buzia, n’costume, n’laoreto, n’provèrbio, na preghiera, la vita ntea comunità, la prima scola, la stória de to faméia, catar fora n’ritrato dei antenati, rissercar mistèri dela nostra cultura contadina, co se fá così vol dir che ghe daremo n’futuro al nostro parlar talian, el nostro veneto brasilian.

Nona Clementina.