Vita de na olta

Autore:  Giovanni Formaggio - Asigliano Veneto - Itália

Se parla dei tenpi de Carlo Codega

Quando se scaldava el leto co la fogara e monega.

Se vivea de fasoi, verze e polenta

Ma la gente se volea ben, la jera pi contenta.

Tuta la stimana se sudava e se laorava 

Ma quasi tuti i sabi ntel cortile se balava.

Se tacava el lume a un ranpin

Se sgranava nose, se bevea on goto de vin.

Vegnea tose bele come on fiore

I tusi le zercava par smorozare, par parlar d’amore.

Se qualched’un fasea tiri da mato

Le mame disea a le tose: “atente al pecato”.

Ma sol tardi jera pi raro che spesso

Che qualche copia finisse de drio al paiaro.

La domenega a messa tuti quanti

Le vece con veleta, corona e guanti

I omeni parlava de tuti, de vache e vedei

Anca parchè alora ghe jera miséria e no girava schei.

Cristo vardava, scoltava sta gente in cesa par la festa

El sarava on ócio perchè la jera gente onesta.