Benvenuti a tuti

Cari amissi simpatisanti del parlar TALIAN.

Saluti a tuti quanti.

El tempo dei nostri antenanti su sta tera lè finio, ma nò i so sogni. Ncoi i ze ntel paradiso e me ze vegnesta la idea de scriver queste righe par farve saver che me son incaricà dela aventura de crear la Ràdio Brasil Talian, col obietivo de dar el me contributo a la causa del Talian.

Son sicuro che portar avanti la idea de difondere el TALIAN doperando la internet, par meso de na ràdio on line, non sarà mia na cosa fàssile, però, me par che no se pol mia dassar morir na idea e un laoro co na granda significassion par chi sa quante mila persone ga el sangue Talian che core ntee so vene.

Che la Ràdio Brasil Talian  sia una tra tante altre magniere e tanti altri che co le so peculiarità i laora per giutar a no dassar perderse le radise, la cultura, i insegnamenti, la stòria dela imigrassion italiana al sud del Brasile. La magioransa dela programassion sarà Taliana, no desmentegandose de che quà se gavemo mescolà con zente de alre origine e semo ncoi tuti brasiliani nel su pi amplo senso.

Alora ndemo avanti e che la sia bona par tuti.

Un vero strucon de man.

Ràdio Brasil Talian