|
|
|
|
|
|
|
|
|
|
|
|
|
|
|
|
|
|
|
------------------------
|
|
|
|
|
|
« Voltar
Barufe moderne
Tanti ani fa che nte n’paese dea nostra colònia ghera na casa ndoe el omo el volea sol lu comandar e par quel el barufea tuti i di co la so dona. Par colpa de questo i ze ndati parlar col prete. Soto so casa ghe zera due cagni, un bianco e laltro zaldo che i se sfidea par no spartir el medèsimo òss. Anca do gati i sgnaolea par che un no voela dassar quelaltro ciapar i sordi che ghe zera ntel poròn. Tel punaro el galo vècio el fea i altri a star distante dele galine e tea stua se sentia el rospo a comandar co la so ose a tuti i altri rospi.
Somigliante a le brighe tra el paron e so dona, tra i cagni, gati, gai e róspi, qua in tea valada del fiume ndoe stemo ghe ze nte arquanti munissipi barufe tra i condotieri, che i stà a barufarse tra de lori che oramai fa schifo. Come el sole tute le matine el se alsa par tuti, anca i politichi de questi paesi i gavaria de gaver al manco el rispeto al pòpolo, già che i va ntea medèsima cesa, so fioi i va ntea medèsima scola e cosí via. Ze na poca de na vergogna quel che se vede, se scolta e quel che i se dise su. El nono el disea sempre che quando i sentimenti i va via, bisogna ciapar la scùria. Chi sa ze la ora de passar la scúria a tanti deputati e senatori, perche me par che tanti i ga oramai oltrapassá el límite del giudíssio de tanti dispéti che se li vede far, de tante busie che i dise e de imbroioni che i ze. Cosè che te me disi ti che te sei a leder? Ah?
|
|
|
|
|
|
|
|
|
|
|
|
Acompanhe-nos através de suas redes sociais favoritas: |
|
|
|
Nenhuma enquete ativa para exibir! |
|
|
|
|