|
|
|
|
|
|
|
|
|
|
|
|
|
|
|
|
|
|
|
------------------------
|
|
|
|
|
|
« Voltar
El parol
Parol, cagliera o pignata per la polenta. Sia qual sia el nome, questa l’è pròprio la pignata par coser la polenta. La ze na pignata de fero gusa, col fondo tondo, la ga due reciete sbusade, e per mànego un fer fineto e archià. Questa pignata la ga diverse altre serventie che nò sol par coser la polenta. Se la sopera par cosinar i ovi co la scorsa, patate, panoce de mìlio col late, i grostoli e le frìtole in tea bagna, rostir i pessi e i polastri al primo canto passadi ntea farina de formento. Tei primi tempi i tegnea el parol nte na cadena ntel fogoler e no lera mia fàssile de tègnerla parche la sgorlea. Dopo ga scominsià a vegner i fogoni a legna, de color nero e sensa fiori. Pi tardi ga scominsià a vegner i fogoni smaltai e fioriti e i zera un produto de lusso.
Nte quel tempo se tirea le rodele dela siapa par meter la pignata insima, drita, e se fea la polenta scoasi tuti i dì dela stimana, manco al sabo, perche a la matina la mama la fea el pan. Questo lera cosinà ntel forno de matoni. Na cosa strània che feven col parol dopo trar fora la polenta lera ndar ciapar sardele ntel rieto, pena vanti note. Meteven el parol soto l’aqua e se postea un ramo verdo co le foie par sora e ogni tant lo tireven fora, pien de sardele. Fin che ghenera groste de polenta lo urteven, fin che i gavessa snetà la pignata. A casa la mama fea nantra polenta par magnarla co i pessi freschi e pena ciapadi. Magineve che bone magnade che se fea mescolando ceole e radici verdi consadi col aseo.
Luiz A. Radaelli
|
|
|
|
|
|
|
|
|
|
|
|
Acompanhe-nos através de suas redes sociais favoritas: |
|
|
|
Nenhuma enquete ativa para exibir! |
|
|
|
|