|
|
|
|
|
|
|
|
|
|
|
|
|
|
|
|
|
|
|
------------------------
|
|
|
|
|
|
« Voltar
Lera domenega matina. Piovea pimpianeto e lera na matina de fredo. Son levà su bonora, go fato le preghiere e dopo son ndà in cosina far el simaron. Ciamo me fémena perche no me piase el simaron sensa compagnia. El simaron lé pi che un vìssio, lé na compagnia, na fraternità. Dopo gavemo impissà el ràdio nte na stassion che i parlea in talian ndoe se scoltea bele canzonete taliane. E parlando con me dona me ze vegnesto in testa che gràssie a Dio ncoi se pol parlar la nostra lengoa, el Talian. Bruti tempi ze stato tei ani 40 co la guerra mondiale quando el goerno la ga proibista.
Me pòro pupà contea che tanti i ze ndati in gàbia perche i parlea el Talian. Tanti anca i ga ciapà arquante bastonade. Finida la guerra, col passar del tempo la tribulassion dei colòni se ga fermà. I nostri genitori i se ga nicorto de ndar far studiar so fioi e tanti i ze diventadi dotori, maestri, brai laoratori e tante altre cose. Domenega matina, la piova caschea pimpianeto su le scàndole. Finida la àqua del simaron, le campane dea ciesa scominsia sonar. Me dona ciapa la ombrela e insieme semo ndati ringrassiar al Signor par la pace e la fraternità.
Luiz A. Radaelli – Lajeado - RS
|
|
|
|
|
|
|
|
|
|
|
|
Acompanhe-nos através de suas redes sociais favoritas: |
|
|
|
Nenhuma enquete ativa para exibir! |
|
|
|
|