|
|
|
|
|
|
|
|
|
|
|
|
|
|
|
|
|
|
|
------------------------
|
|
|
|
|
|
« Voltar
La Pàscoa
La Pàscoa lè na festività dei cristiani quando i comemora la morte e el renàsser de Gesù Cristo, come se fussa na transission de tempo e vita per migliorare la umanità. Le festività scominsia quaranta giornade vanti del di de Pàscoa e lè un tempo per cadauno pensar ndoe el pol cambiar par mèio la so vita. La stimana santa che precede la data scominsia co la domenega dei rami, dopo vièn el vendre ndoe Gesù lè stà copá, dopo el sabo de aleluia e finisse co la domenega dela rissuression. Come sìmboli dela stimana santa ghenè i rami de olivari e de palma, le pegore, le candele, i pessi, i ovi ornamentai e pieni de mandolini col sucro, i conici de ciocolate tra tante altre cóse.
Altro che na festività religiosa, la Pàscoa ga servio par la gente doperar la parola Pàscoa par nominare tante còse. Ghenè gente col nome de Pascoal, cognome derivativi come Pasqualini, Pasqualoto, Pascoali, Pascoalon. Ghenè anca vie e monumenti con questi nomi derivativi col la idèa de esaltare a qualche fato dignificante che serte persone le ga fat in tea so vita. Ma sora tuto bisogna dir che bisognemo pensarghene mèio sora quel che a ogni uno la Pàscoa vol insegnar. La vol dir chel nostro tempo su la terra lè pìcolo, finito e che gavemo de doperarlo par far el bene par si e par i altri, sercar de godere qualche momento de giòia insième de quei che i ne ze cari, perche el tempo el zola co na velocità che dele olte no vedemo mia chel cambia, e quando se nicordemo fursi nol permeterá mia tornar in drio par rangiar tuto quelo che gavemo fat de sbalià, o che anca gavemo dassà de far. Bona e santa Pàscoa, piena de salute e felissità a tuti quanti ne scolta. Se no lé mia ncoi, che la sia quando el calendário la mensona.
Luiz A. Radaelli
|
|
|
|
|
|
|
|
|
|
|
|
Acompanhe-nos através de suas redes sociais favoritas: |
|
|
|
Nenhuma enquete ativa para exibir! |
|
|
|
|