« Voltar
Contentar a tuti no ze mia fàssile. Gnanca i preti no i ze boni. Tuti i ga sempre da dir su dei so preti. Ve spiego arquante ragione che gò racolto tra i parochiani den paese ndoe go laorà arquanti ani:
Se’l prete el tegne la prèdica longa – el ze un ciacolon.
Se in tea prèdica el parla forte – alora el urla.
Se non fa la prèdica forte – non se capisse gnente.
Se’l gà un auto moderno – el ze capitalista, el ze mondano.
Se non ga un auto moderno – non sa adatarsi ai tempi de ncoi.
Se’l visita i so fedeli fora par le capele – el ze sempre in giro.
Se’l visita frequentemente le fameie – no é mai in casa canònica.
Se’l stá in casa – non visita mai le fameie.
Se’l parla de oferte e domanda qualcosa – el pensa sol de binar su soldi.
Se non organiza feste, incontri e viagi – in tea paròchia no ghenè vita.
Se’l confessa con calma – lè perché nol ga mia pressa.
Se’l confessa con pressa – non sa scoltare.
Se scominsia la Santa Messa con puntualità – el ga l’orològio sempre avanti.
Se’l ga un picolo ritardo – el fa sempre perder tempo.
Se’l riforma la ciesa – el buta via i soldi.
Se nol fa ste riforme – el dassa andare tut in malora.
Se’l parla lu solo con na dona – ghè coalcossa tra lori.
Se’l parla lu solo con un omo – eh!
Se’l prega sol in ciesa – non sá far altro.
Se se lo vede poco in ciesa – non é omo de Dio.
Se si interessa per i altri – lè un sfrugnon.
Se non si interessa - lè un’egoista.
Se’l parla dela giustizia sociale – el fa politica.
Se serca de essere prudente – el ze del governo.
Se’l ga un poco de coragio – el ze contra el governo.
Se’l ze zovanoto – nol ga speriensa.
Se’l ze vécio – el ze fora de régola.
Ma se el prete muore – no ghé nessuno che lo sostituise.
Far che! Mancaria sol inciodarlo nte na crose anca lu.
|