|
|
|
|
|
|
|
|
|
|
|
|
|
|
|
|
|
|
|
------------------------
|
|
|
|
|
|
« Voltar
El brodo
Che magnar lè bon nissun ga pi dùbio e co se ga fame alora lè mèio ncora. Ghenè tante magniere par scaldar el corpo ntee giornade frede, ma par mi quela che mèio se piase lè na bela scudela de brodo, fat co la carne de na galina vècia o con quela del galo che lera ntea caponera. Zontarghe na scuciarada de formai gratà, de quel dassá arquanti di ntee graspe de ua masnada, deventa na bèvita che contenta fin i vèrmi ntee budele.
Al zio Belarmino ghe piasea bever el brodo insieme con bicier de vin, de quel che se disse “vin del ciòdo”. Co’l prete Alberto el vegnea na olta al ano par benedir so casa, le bèstie e la piantaion, la zia Rosàlia la ghe prontea sempre el mèio brodo che la podea far. E lu el fea de tut par rivar darente a la ora del disnar, così el ndea bever el brodo e anca el podea tirar on bel soneto dopo impienir la pansa. Ma te quela olta el ze stá imbroià. Te quel dí la zia Rosàlia la ga fat el brodo massa onto, ma el prete el ga mangnà come tempo fea che nol magnea pi. Pena dopo butarse ntel leto le budele le ghe gá scominsiá sufiar e a vegnerghe el mal de pansa. Ghe ga tocá scampar ntee scapoere, ma ncora ben che’l gavea sempre insieme arquanti bótoli par netarse el cul.
Luiz A. Radaelli
|
|
|
|
|
|
|
|
|
|
|
|
Acompanhe-nos através de suas redes sociais favoritas: |
|
|
|
Nenhuma enquete ativa para exibir! |
|
|
|
|