|
|
|
|
|
|
|
|
|
|
|
|
|
|
| |
|
|
| |
|
|
|
| |
|
|
------------------------
|
|
| |
|
|
|
 « Voltar
El Festival del Istroveneto
Cari amighi radioascoltadori de la Radio Brasil Talian ne’l Rio Grande do Sul, Brazile e ne’l mondo! Inte’l ùltimo artìgolo gavemo parla de i laori che bizonja eser fati par portar a i tozateli la nostra lengua e cultura, e gavemo parla de le inisiative zovani come libre par tozateli, carton animà, musiche co ritmo zovane, aplicasion mobile (app) e tastiera par scriver ne’l selular, tuto in Veneto Brazilian. Gavemo parla anca che ne la sità de Buje, inte la Croasia, se fa tuti i ani el Festival de’l Istroveneto, co musiche POP. Lora, in cuesto artìgolo ndemo parlar pì de’l Festival de’l Istroveneto, che ga fato la sua setima edision ne la stimana scorsa, de 04 a 09 de zunjo.
El Festival de’l Istroveneto ze una promosion de la Union Italiana, in colaborasion e patrosinio de la sità de Buje (Croasia), de’l Asesorato de la Cultura de la Region Istriana, de la Univarsità popolare de Trieste e de la Region de’l Veneto. El Festival ga l'obietivo de tutelar e promover la valorizasion de’l Istroveneto, variante de la Lengua Veneta come el nostro Veneto Brazilian, par che cusì sia senpre una lengoa viva, ativamente parlada in tuta la Istria (Croasia e Slovenia).
Sicuramente che tra el nostro Veneto Brazilian (Talian) e el Istroveneto ga particularità, par influensa de la cultura e lengue locale, ma par cuei che capise el nostro Veneto Brazilian cuà, i va capir anca el Istroveneto, parché ze tute lengue de la fameja veneta, e non ze parché ga cualche parole diverse che no se va capir cosa i vole dir. Senpre doparo come ezenpio el Ingleze, che ze la lengua ofisial in tante parti de’l mondo, come ne’l Rejno Unido, Estati Unidi, Canadà, Austràlia, Nova Zelandia, etc. Par le influense locale, sicuramente che el Ingleze de la Austràlia ga particularità diverse de’l Ingleze de i Estadi Unidi, ma sicuramente i se capise tanto bene. El isteso se pol dir par la fameja veneta de lengue.
Par cuei che vole ascolar le canson de le 7 edision de’l Festival de’l Istroveneto, e anca saver de la premiasion, va ne la internet inte’l indirizo www.istroveneto.com e dopo struca inte’l Dimela Cantando. Presento cuà la canson vinsidora de’l Festival de’l Istroveneto, voltada in grafia moderna par la fameja veneta. La canson se ciama “No me par vero” co testo de Samanta Stell e musica de Damir Vukelja.
NO ME PAR VERO
Co te vardo mio caro
No me par vero
A ze pasado tanto tenpo
No ła ze soło sinpatìa
Ti ti son ła vita mia
Ti me scaldi ancora el cor
Me par propio l’altri jeri
Che gavemo cominsiado
Strucarse drio el canton
El ze un sprisar de contentesa
Ti me fa propio contenta
Co cuesto grando...
Amor...tuto ‘sto amor
‘Sta pasion, oh che pasion
Cocolar e respetar
A ze ła reseta
El cor el ne bati come mato
I oci łustri come stełe
El ze propio vero amor
Semo àneme zemełe
Che par fortuna
Se gavemo incontrà
Bazi, còcołe e carese
Co stemo insieme
Ti me fa propio scuajar
Łe to man sora‘l me corpo
E i bisbiji inte ła recia
Tremo e te digo...
Amor... tuto ‘sto amor
‘Sta pasion, oh che pasion
E par farli durar
A gue vol respeto
Amor... tuto ‘sto amor
‘Sta pasion, oh che pasion
Respetarse...
Amor...tuto ‘sto amor
‘Sta pasion, oh che pasion
E respeto A ghe vol
E zentiłesa
Co te vardo caro mio
No me par vero...
Co te vardo caro mio
No me par vero...
Marcos Daniel Zancan
Universidade Federal de Santa Maria - RS |
|
|
|
|
|
|
| |
|
|
| |
|
|
|
| |
| Acompanhe-nos através de suas redes sociais favoritas: |
|
 |
| |
| Nenhuma enquete ativa para exibir! |
| |
|
| |
|
