|
|
|
|
|
|
|
|
|
|
|
|
|
|
| |
|
|
| |
|
|
|
| |
|
|
------------------------
|
|
| |
|
|
|
 « Voltar
Pì Frotołe Tałiane
Cari amighi radioascoltadori de ła Radio Brasil Talian inte’l Rio Grande do Sul, Braziłe e inte’l mondo! In cuesto artìgoło parlaremo de łe fròtołe tałiane, che in portogheze ghe vol dir “piadas”. Łe fròtołe tałiane łe ga saltà fora inte i fiłò, ‘ncora prima de ła imigrasion, e dopo i imgranti i ga porta cuà in Braziłe.
Metemo in cuesto artìgolo una beła fròtoła che gavemo catà inte’l łibro “Na s-ciopetada de Frotole” de’l prete Clementino Marcuzo.
El Pescador
I pescadori cuando che i se cata insieme i se conta fròtołe e un vol contarle senpre pì grose de cuel altro, come cuesta che ve conto adeso. Cuesta storia ła ze fata inte’l rio da Zanta. Zera um rio co poca acua, cuasi senpre turbia e sporca. Ma senpre se ciapèa su calche peseto.
Łora, un dì, Toni el se gabava tuto de dir che’l zera un gran pescador. E łu łe ze ndà inte’l rio da Zanta a pescar. Łu łe ze ndà inte un boio dove ghe zera acua ferma, e conta a Beppi Scuria che el ga ciapà un pese che’l pezèa 90 kg.
- Ostrega, el dize Toni. Un pese de 90 kg? E dopo cuà inte’l rio da Zanta? No łe njanca bon voltarse rento!
In suma ciò, Beppi el ga credesto. Porco de un can, el ghe dize Beppi. Ma te sè che anca mi altro dì zera ndrio pescar inte’l rio łà, un poco pì in sù de ła acua ferma. Łà darente dove ti te gue ciapà el pese de 90 kg. Na sera mi zera łà ndrio pescar zundià. Son ndà saltar de un saso a laltro e ciò, a go sbrisià zo. Gavèa el ciareto in man, cueło de petrołio. E ‘sto ciareto ciò, el me ga cascà zo inte’l rio. E go vardà e no son pì stà bon da vedere ‘sto ciareto.
Come go batesto co ła testa inte un saso, mi go restà mezo insiminìo su tuto e no go pì visto ‘sto ciareto. Inte’l ano ndrio, inte’l medesmo posto, inte’l meze e anca inte’l medesmo jorno, vao pescar nantra volta. A go ciapà pesi che no gue ze njanca da crèdere. E łì, go visto el mio ciareto soto acua.
Ciò, Toni ło varda e dopo łe ghe dize:
- Ma cuesta cuà ła ze anca masa grosa! Dopo de un ano, ndar łà e catar soto acua ancora el ciareto? No dà par credere!
- Ben, ghe dize Beppi, vardè Toni, se ti sbasa zo 85 kg de’l to pese, mi smorso el ciareto!
“El me grande sonjo el ze far da Vale Veneto, pì de ła Capitałe Spirituałe de ła Quarta Colônia, ma anca ła Capitałe de’l Turismo de ła Quarta Colônia Inperiałe.” Pe. Clementino Marcuzzo.
Marcos Daniel Zancan
talian@ctism.ufsm.br
|
|
|
|
|
|
|
| |
|
|
| |
|
|
|
| |
| Acompanhe-nos através de suas redes sociais favoritas: |
|
 |
| |
| Nenhuma enquete ativa para exibir! |
| |
|
| |
|
