Questo romai se pol dir co firmassion

Che el popol brasilian el ze vitorioso

Brasilian ghe ze massa diferensiassion

Menando avanti la so tera ntel brasso.

Sensa na stirpa ben determinà

É mescolà de diversi pòpoli

Portoghesi tel Brasil se ga sparpaià

Ntel scomìnsio ghenera solo autòtoni.

Pi avanti ze arivadi i africani

Par el so coraio dimostrar

Questi i ga deventà schiavi

Lìberi, assieme vegnesti a dontar.

Ntel tempo dela grande imigrassion

I ze arivadi spagnoli e italiani

Portando al Brasil na granda modificassion,

Dopo, tedeschi, polonesi, russi e ucraniani.

I ze vegnesti anca mescolar

I orientali con la so sapiensa

I àrabi tel Brasil zera drio arivar

I francesi e i britànichi in abondansa.

Questi pòpoli drio sevitar avanti

Par dar forma a na grande nassion

Co na mescolada de stirpe diferenti

Indove ze drio ndar in gran evolussion.

El popol brasilian ga so maniera de esser

Che no se cata in nessuna altra nassion,

Par la vitalità e la alegria che ga de viver

Che tuto el mondo va far incora nominassion.