« Voltar
MANCA TEMPO
El tempo va via zolando
Co na barca de curicuri
Òmeni i va se sfidando,
Par dontar soldi a balochi.
Ghe manca tempo par ciacolar
Sora le cose sémplisse dea vita
La evolussion ze drio scambiar
Par assar la diversion de sconta.
Soratuto par tor pi cucagna
Tanti romai ze ndati a malora,
Par non soportar la stracada
Tel mar dei insònii i navega...
I òmeni i ga deventà massa rabiosi
La alegria squasi non la manifesta
La tecnologia ze drio assarli confusi
Co na cariolà de sfide i se sbocona.
Incora ghe manca al omo la cognossensa,
Par non deventar con el tempo barufando,
Donca i antighi i gavea sempre bona inissiativa
E con la chietude ntel tempo ndeva se fissando.
El pòpolo antigo i gaveva on maro da siensa,
Po ghenavea massa tempo par drio pensar
Sensa el sara-sara che ghe mena la tecnologia
Che ze vegnesta del omo el tempo rapinar.
Autore: Ary Vidal - Lapa - PR
|