Na volta se gavea pi rispeto co la stimana santa. Tel vendre santo no se podea far gnanca na barufa. Laorar meno ancora, gnanca taiar legna e manco ancora doperar el martelo par piantar un ciodo. Guai se se parlea pi forte de quel che bisognea par sentirse. Bisognea rispetar la morte del Signor Gesù. Ndeven in cesa ma vanti de ndar rento bisognea far la procission. Tuti postai in due righe, col prete davanti devidamente paramentà portando la crose de legno. De li na s-cianta de tempo scominsiea un bordel.  Arquanti òmeni i portea in man un mestier fat de legno che se ciamea de ràcola, che i la parea atorno e la fea un baruio stranio e sensa gusto. Se ndea caminando in procission, pregando e quando el prete parlea qualche cosa, i scominsiea girar ste ràcole tuti insieme.

Co se rivea rento ntea cesa i metea via le ràcole e continuea le preghiere. Fenide le preghiere e co i rivea a casa i metea la ràcola sora el guarda roba e la la stea fin la pròssima stimana santa. Tei giorni de ancoi se rispeta poco o squasi gnente el vendre santo, tanti laora e noi va gnanca in cesa, segnal dela mancansa dela spiritualità ntea vita dea gente de ncoi. Pori grami cuei li.

 Luiz A. Radaelli – Lajeado – RS