« Voltar
LA POLENTA
Ntela aqua calda dela pignata
Se scomìnsia reversar la farina
De qua in là na mescolada
Ocor tirarla vanti molesina.
Par non vegner el farinoto
Bisogna mescolar sensa fermar
Così restarà on laor ben fato
Intorno de na ora drio smissiar...
Par restar ben pareciada
La mescola no la pol fermar
Co la deventar odorosa
Ze ora dea polenta reversar.
Ntel panaro ben tondo
La polenta se raversa
Un dei mèii magnari del mondo
Fa gusto tel impienir la pansa.
La ze bona anca fritegada
Insieme co formaio ben rostio
E co luganega fumegada
Madoi! che magnar de ani indrio!
La rapresenta na vecia tradission
Dei italiani dela so Itàlia,
E de quei che i ga fato migrassion
La polenta fin tei di d’incó se sparpàia!
La ze el sìmbolo dei italiani
Scarmenadi par la tera intiera
E magnada par tuti i cantoni
La ze come i migranti, no la ga frontiera. |