« Voltar
EL CANTANTE DE VERSI
El cantante parla dea tera
Con amor par la so region
E no se involve co snésola
Mola tuto dea so imaginassion
No se mùcia con ciampanada
Gnanca co poeta de profission
El so verso sgoelto prospera
Ghe dà a la ànima colorassion.
El ze on versàtile cantante
A brusapel el mola la so rima
Parla de robe ben atraente
Del bestiame, dea morosa
El ze de na stirpe magnìfica
Tea so vita no donta bobana
Sol par vocassion el dechiama
Anca el sior, a lu ghe fa reverensa.
Par la rima el ga gran tendensa
El no ga podesto on poco studiar
La bela rima che el menssona
Propaga suito suo rùstico parlar
Dea gente rùstega dea campagna
No bisogna de laurea par versificar
El ghe porta la armonia in abondansa
De sgoelto dise da indove ze drio star.
El vien segnalar la simplissità
Dele robe rùstiche dela colònia
Dà scuriade ntea contrarietà
Con furbessa e armonia
In olte fa finta dea verità
El cantante del verso mena alegria
La so rima trasmete la rustissità
Del laorante ntela campagna. |