Quando noantri se inveciar
Con la nostra vera identità
Poche robe le pol restar
De sto parlar che no ze oltrapassà
Basta i pi dòvani vanti lo propagar
E sempre bel el nostro véneto restarà.

La nostra stensa literatura
No la ze par restar sbandonada
La ritrata na milenar cultura
Tel sentro dea Europa scomìnsiada
I Véneti i ga cargà tea spala la bravura,
Par ntela Serenìssima esser slargada.

I Véneti de incó i parla meso mescolà
Tanti i dise che ze on parlar de coioni
El toscan a squasi tuti ze drio amorbar
E no i ze boni de parlar come stiani
Assando so léngua par le so scarsele impienar
I ze drio discorer el inglese in tuti i cantoni.

Bisogna si!, far na contestassion
Noantri semo i véneti del sterior
Sol volemo menar vanti la tradission
Dei nostri che i parleva con amor
No ocor mia far na finta vision
E drio restar sensa soporte interior.

Nialtri saremo i primi véneti
E i ùltimi Véneti sarà i italiani
Cofà i imigranti semo realisti
Tea tera nissuni i restarà sovrani
Tel on lampo tel mondo semo vegnisti
E sarà pochi i véneti come quei de sti ani...