|
|
|
|
|
|
|
|
|
|
|
|
|
|
|
|
|
|
|
------------------------
|
|
|
|
|
|
« Voltar
Tra tante cose che se ricordemo del tempo che oramai lè ndà via e che no torna pi ghenè na cosa che sianca i cavei sbianchisse nte me testa, no vao mai desmentegarme: intanto che se stea per longhe ore a scartossar e sgranar el mìlio, scoasi sempre de note col lume del ciareto a petròlio, o ntee giornade de piova se preghea el rosàrio. El pupà lo tirea avanti co le so Ave Marie, coi mistèri e anca co le litànie che’l savea de testa. Che bei momenti coei. Ncoi i còmodi dea vita moderna permete tante cose, ma no fa tornar sti momenti piacerosi che se gavea, sianca pieni dea pòlvere del mìlio che la ne fea gratarse. I ze solo ntei nostri ricordi, dolsi ricordi, pieni de nostalgia de un tempo che no ritorna pi.
Adesso che le màchine le comanda tut, el ciareto ze cosa de museo, el molin movesto a aqua ze rovinà, la mussa par ndar al molin masnar i grani ga cambià de nome; se ciama automòbile. El rosàrio ze sta batesà de “favola”. Ste favole che va rento le nostre case, de bon, isegnano poche e ciare cose, ma tante sporchisse e anca mancansa de rispeto con tut e tuti. A tanti tosati e tosate ghe ndaria ben ancora la “psicóloga” del nono, che nel nostro tempo gavea el nome de scùria, o anca la bacheta de stropa. Ghe voleria zontarghe anca sei quarte de giudissio a tanti dei nostri rapresentanti politichi e autorità.
Luiz A. Radaelli – Lajeado - RS
|
|
|
|
|
|
|
|
|
|
|
|
Acompanhe-nos através de suas redes sociais favoritas: |
|
|
|
Nenhuma enquete ativa para exibir! |
|
|
|
|