Un zorno el vilan el ga fato na decision
De molar el campo e par la sità scambiar
Donca el tempo ghe porta la recordassion
Ancoi dei laori tei campi scomìnsia mensionar.

Ntel so pensier vien le carghe de ricordi
Dei vècii tempi de tanta contentessa,
Scomìnsia drio mùciarse de pensieri
Del tempo de racolta, e de festansa.

Par la risulta de questa renovassion
No zuga la corda tel bo ntea campagna
Resta adontando ogni di la recordassion
El tempo ze sgoelto e pieno de pavana.

Vardando par el barcon osserva la sità
Insieme de tanta zente ze diverso el tratamento
Tea sità va a le sgoelte e in meso la ansietà
Bacani e samenade de gente tel tuto momento

No senta pi tea ombra dei pini
El cambio de posto ga fato scàmbio
Adesso ocor sevitar tei altri camini
E no pol far le robe pi al spontàneo.

Bisogna co la modernità se giuntar
De matina al scurir el gavrà la recordassion
Questo bravo vilan tel tempo no pol ritornar
Co la zente moderna ocor ver bona conession.