Tempo de vendèmia

Ghenè na mescolansa de cose bone nel tempo de vendèmia e de altri fruti. Nte questa staion, altro che la ua ghenè fighi, cocumeri, meloni e ingurie, ma la vendèmia dela ua me par che sia un laoro squasi che divino. I graspi de ua maúra i mola per ària un profumo inconfondibile, no ghè come sbaliar ndoe l’è el vignal. La vendèmia la ze sta el motivo de Gigio e Metilde scominsiar a smorosar e dopo maridarse. Rivà el tempo de far la vendèmia el Gigio invita la Metilde, na bela tosa che stea ntel paese, moreta come el color dela ua maúra, per aiutar a vendemar. Lu la mena in campagna e insième dei altri i tira i graspi mauri dela matina fin la sera per vedere chi é piu bravo a vendemar
A la metá dea giornada, oramai co le cestele piene i va a casa per disnar e dopo i ritorna ancora a laorar, a tirar dei rami i grapoli del ua soto el cielo sereno. Nel mese de jenaro o febraro l’è fata la racolta dela ua maúra. Tanti de quei che vendèmia i canta qualche canzone, fursi una che porta qualche emosion e tra mile ceste vien la fadiga,  qualche soriso e tante dele persone che lavora i sogna con qualche bicier de vin, per compensar el laoro fat e oramai pensando de ncora insieme tornar a vendemar nela prossima staion.

Autore: Luiz A. Radaelli – Lajeado - RS