I colori del autuno

Co’l colore del autuno e anca co na arieta frescolina che ne fa sentire che de chì un pessot de temp va rivar l’inverno c’on i so giorni fredi e co le brine a spaventar a tuti quanti ghe piase i dì caldi, semo a saludare tuti quanti i ze nel ascolto dela programassion dela Rádio Talian Brasil, al medesimo tempo che desideremo a tuti na piacerosa giornada, lieta e gradévole, insieme a tuti quanti ve vol bene.

Gavemo parlà de fredo e queste parole le ga fato el zio Clemente ricordarse del tempo antico co al sabo de sera se ndea balar, o anca che se ndea far el filò, quando se magnea pignoi, mandolini, patate, carne lessa e grostoli, se bevea brodo, simarron e anca vin de coel bon, de quel del ciodo. E a la matina bonora, par colassion, se magnea polenta brustolada, co’l late, co’l formai o co la puìna. Ma adesso par scaldar la testa oramai squasi sensa cavèi bisogna meter su na baretina fata de lana de pegora. I pi vèci i urta un goto de graspa rento el café par giutar a scaldar el pèto e cossì no l’é bisogno far tanta forsa par tirar el fià. Alora, na bona giornada a tuti.

Autore: Luiz Agostinho Radaelli