SOLO RICORDI

Restarà solo i bei ricordi

Co na mota de malinconia

De na generassion de migranti

Che vien desfada par la tenologia.

Postai ntel canton dela cosina

I vècii ritrati dei nostri noni,

Vegnesti al Brasile drio dea bobana

Gran tribolassion i ga passà stiani.

I nostri i viveva con pi alegria

Seanca, ghenera laori in comulassion,

Tra de lori i viveva in gran armonia

Difarente de oncó co sta gran evolussion.

I gera bravi questi Véneti

Ntea campagna i sassi i muciava

I ghe cargava tuto ntei careti

E bei muri co i sassi i pareciava.

Intorno a le grosse piante

Co el picon faseva le tane,

Po cargava ntele galiote

Na mùcia de radise taiade.

Co la cavassion che i faseva

I se sfondava dentro dei busi

La manara i ghe doparava

Par taiar le radise de legni duri.

Prima ocoreva la tera pareciar

Po co el versuro rebaltar el teren

I migranti i gavea gran voia de triunfar

Fando na gran lota, portando el ben.

Piantaione de saturco zaldo

I faseva in grande quantità,

E grandi samenade de formento

A stiani i gavea laori in cariolà.

Solo ricordi de questa brava zente

De na generassion de gran valor

Che ze vegnesta de nantro continente

Par ntel Brasile, menar soe radise co amor.

Autore: Ary S. Vidal